Lore eskaintza eta isilunea Batzar Nagusietan, Memoriaren Egunean

ORAIN GIPUZKOA | 2017-11-10 15:46

Lore eskaintza eta isilunea Batzar Nagusietan, Memoriaren Egunean

Lore eskaintza eta isilunea eginez berritu dute aurtengo Memoriaren Eguna Gipuzkoako Batzar Nagusietan, batzarkide-taldeetako ordezkariek eta mahaikideek, Eider Mendoza presidentea buru izan dela. Foru Aldunditik, Imanol Lasa Gobernantza foru diputatu eta bozemailea eta Bizikidetza eta Giza Eskubideetako zuzendaria, Maribel Vaquero eta Gipuzkoako Parlamentuko erakundeko langileak ere izan dira indarkeria eta terrorismoaren biktimen oroipeneko eskultura aurrean egin den elkarretaratzean.

Mendoza Batzar Nagusietako buruaren arabera, “oroipena egitean, justizia bilatzen dugu eta etika lantzen, eta ikasten ahalegintzen gara. Iraganari begiratu eta helburua izaten da garai bateko ona zaintzea, gaizki eginak zuzentzea, okerretatik ikastea, bidegabekeriak jasan zituztenak aintzat hartzea eta memoria ez kondenatzea, historiako gertaerak eta biktima izandako pertsonak ahanzturaren itzalpetik argitara jasoz”.