Erretiro-pentsioa hartzea eta lanean jarraitzea posible da?
Gero eta gehiago dira lanean jarraitu nahi dutenak erretiroa hartzeko ordua iritsitakoan hainbat arrazoiengatik, erretiro-pentsioa ez delako nahikoa gastu guztiei aurre egiteko edo lanbidea gustuko izanik horretan jarraitu gura dutelako, esaterako. Eta hainbat baldintza betez gero bateragarriak dira lana eta erretiro-pentsioa.
Bete beharreko baldintzak
Erretiro partziala edo malgua eskatuz gero, eta kasu jakin batzuetan, posible da lanean jarraitzea erretiro-pentsioa kobratzen egon arren. Horretarako lehen baldintza da legezko erretiro-adina eta oinarri arautzailearen % 100 beteta izatea da, hau da, pentsio osoa jasotzeko eskatzen diren gutxieneko kotizazio-urteak beteta izatea.
Behin hori beteta, honako kasuetan jarraitu ahal izango litzateke lanean:
- Erretiro malguaren modalitatea aukeratu eta pentsioa lanaldi partzialeko kontratu batekin bateragarri eginda. Pentsioaren zenbatekoa murriztu egingo da, lanaldiari aplikagarria zaion murrizketaren alderantzizko proportzioan.
- Norbere konturako lanak ere egin daitezke, betiere urteko diru-sarrerek urte osoko lanbide arteko gutxieneko soldata (LGS) gainditzen ez badute.
- Besteren kontura zein norbere kontura egindako edozein lanetan, betiere pentsioa jasotzen bada arauak finkatutako adina bete ostean (adinaren aurrerapenik edo hobaririk gabe), eta eragindako pentsioaren zenbatekoa zehazteko dagokion oinarri arautzaileari aplikatu beharreko ehunekoa % 100era iristen bada. Orduan, pentsioaren %50 kobratuko da pentsiodun gisa.
Modalitate horien onuradun izateko ezinbestekoa da Gizarte Segurantzara joatea eta Administrazioari horren berri behar bezala ematea.
Oso gutxi kotizatu behar da
Kasu horietan lanean jarraituz gero kotizatzen jarraitu behar da baina oso gutxi. Legeak kotizazio sozialen zati handi bat egitea salbuesten du, baina % 8ko elkartasunezko kotizazioa ezartzen du, pertsona langileak % 2 bakarrik ordaindu behar badu ere (enpresak ordainduko du gainerako % 6a).
Gainera, pertsona langilea pentsiodun gisa hartzen jarraituko da, eta, horregatik, onurak izaten jarraituko du osasun-laguntza jaso eta sendagaiak ordaintzeko orduan.
Argibide gehiago gura dituenak Gizarte Segurantzaren webgunera jo dezake. Lan ordainduaren eta pentsioa kobratzearen arteko bateraezintasun guztiak kontsulta daitezke han, baita Gizarte Segurantzaren edozein bulegotan ere.
Laboral Kutxan laguntzeko gertu
Aurrezpen-plan bat egin nahi izanez gero eta erretiroa hartzerakoan zenbat kobratuko den jakiteko adituen aholkuak nahi izanez gero Laboral Kutxan gertu daude laguntzeko. Aurrezteko mota guztietako produktuak dituzte, baita pentsio-planak ere. Informazio gehiago nahi izanez gero edozein bulegotara joan zaitezke edo Laboral Kutxako blogean kontsulta egin.
