Guri buruz

Gurean.eus webguneak TOKIKOM osatzen duten 24 medio digitalen albisteak biltzen ditu, gaika antolatuta: gizartea, ekonomia, kultura, kirola, euskara, politika... 

Gurean.eus, batez ere, komunikazio tresna ahaltsua da, egunerokotasunari pultsua hartzeko aukera ematen duena, xehe-xehe. Horretarako, euskaraz pentsatu, sentitu, adierazi eta bizi garenongan pentsatutako atalak, kanalak eta bereziak eskaintzen ditu, ikuspegi sozial, ekonomiko eta kulturaletik.

Gurean.eus esparru ireki eta parte hartzailea izateko asmoz jaio da. Izan ere, benetako luxua da sarean eta ia denbora errealean jaso ahal izatea tokiko 24 mediotako profesionalen kronikak eta analisiak,  gainera TOKIKOM osatzen duten komunikabideen 250.000 erabiltzaileen iritzi eta ekarpenekin aberastuta.

Gurean.eus zeuk nahi duzun lekura iritsi daiteke: zure sakelakora, tabletara zein ordenagailura. Gure mundua, ikuspegia eta ideiak handiago egin nahi ditugu, guztion artean gizarte informatuagoa eta hobea eraikitzeko.