EAEko langileen soldata berdintasuna bermatu nahi du Bertako Igogailuak enpresak
>Albiste berezia
Gipuzkoa, Araba eta Bizkaian eskaintzen du zerbitzua Bertako igogailuak enpresak. Ondorioz, EAEko probintzia ezberdinetako langileak ditu, eta badaude probintzia batekoak izanik beste batean lana egiten dutenak. Lan berdina egiten duten langileen arteko soldata ezberdintasuna arazo bat izan daitekeela aurreikusiz, Bertakok soldata guztiak Gipuzkoako hitzarmenaren arabera zehazten ditu, guztientzako berdina izango dela ziurtatuz.
Bertakotik esaten dutenez, "Gipuzkoan, Araban eta Bizkaian dauden enpresek askotan konbenioa merkeen dagoen tokiari begiratuta egiten dituzte kontratuak". Desberdintze horri ez diote "zentzu asko" ikusten, "Arrasaten lana egin dezakeen gasteiztar batek gutxiago kobratzea, ezta ere Elorrioko batek Elgetako batek baino gutxiago irabaztea". Horregatik langile guztiei Gipuzkoako hitzarmena aplikatzen die EAEn behintzat ezberdintasunak ekiditeko; "urtean azkenean 3.000 eurotako aldea dago eta horrek ez dauka zentzurik", diote.
