Eraikuntzaren sektorean inbertsioa %4,6 haziko da estatuan 2018an zehar
Instituto de Estudios Económicos-en arabera (IEE), eraikuntzaren garapen "positiboa" lanpostuen sorrerak, interes-tasa baxuak eta eskaera pilatuak ekarriko dute. La incertidumbre es un impuesto al crecimiento económico izeneko ikerketan argitaratu ditu honako datuok IEEk.
Dokumentuan zehazten da 2017an eraikuntzan izandako inbertsioa %4,4ra iritsiko dela. Horrela bi puntutan haziko litzateke 2016arekin alderatuz, urte hartan aldakuntza %2,4koa izan baitzen. 2018rako tendentzia bide beretik jarraitzea espero da, baina iaz baino intentsitate txikiagoarekin.
"Inbertsioa moteldu egin zen hirugarren hiruhilekoan, baina bere hiruhileko garapena aldakorra da eta desazelarizazioa hori ez da esanguratsua. Tendentziak dinamismoa erakusten du, eta 2017rako %4,4ko hazkundea espero da. Etxebizitzan egon den inbertsioa da ziurrenik oparoaldi hau azaltzen duena, izan ere, eraikuntzako beste arlo batzuetan inbertsioak ahul jarraitzen du; batez ere inbertsio publiko urriaren eraginez", zehazten du txostenak.
Era berean, eraikuntza da gehien hasi den sektorea 2017ko lehen hiru hiruhilekoak batuta; jarraian manufaktura-industria dago.
