Euskadi Basque Country 2020 estrategiak 270 milioi euro inbertituko ditu nazioartekotzeari lotutako 1.900 jardueratan
Euskadi Basque Country estrategia
Kluster proiektuak
Iñigo Urkullu lehendakariak Euskadi Basque Country 2020 estrategia aurkeztu du; hain zuzen, 270 milioi euro inbertituko dira nazioartekotzeari lotutako 1.900 jardueratan. “Nazioartekotzea ondare komun bat da; guztion onurarako da, eta guztiok behar gaitu. Belaunaldi berriak Euskadi Basque Countryren irudia indartzen lagundu nahi du, hura zabalago, aktiboago eta erakargarriago bihurtzeko agertoki globalean; eta guri dagokigu nahi horri erantzutea”, nabarmendu du.
Urkulluk, Eusko Jaurlaritzako sailburuez inguratuta, Nazioartekotze Estrategiaren eguneraketa aurkeztu du Bilboko Euskalduna jauregian; 300 pertsona inguru batu dira aurkezpenean: erakunde, gizarte, enpresa, kultura eta kirol arloetakoak, baita Eraikune ere. XI. legegintzaldiaren gobernu-programaren barruan dagoen hamabost plan estrategikoetako bat da; datozen urteetan Gobernuaren kanpo-jarduera markatuko dute planok.
Nazioartekotze-estrategia berriak hemezortzi herrialde eta hamabi eskualde barne hartuko ditu: Erresuma Batua, Alemania eta Finlandia, Europan; Ameriketako Estatu Batuak, Mexiko eta Txile, Amerikan; Txina eta Japonia, Asian; eta Hegoafrika. Horrez gain, helburua da Europan presentzia indartzea eta “euskal ikuspegia” aurkeztea Europar Batasunaren gainean.
