Aditu ugari, ikus-entzunezkoen etorkizuna aztertzeko jardunaldietan
Gipuzkoako Foru Aldundia, sektoreko eragileekin elkarlanean, euskarazko ikus-entzunezko edukien sorrera sustatzeko laborategia diseinatzen ari da. Horretarako, bertako zein nazioarteko esperientziak ezagutzeko jardunaldiak antolatu ditu. Azkenak, Hernaniko Orona Ideon egin zituzten, asteartean, eta bertan ikus-entzunezkoen etorkizuna aztertzeko Europako hainbat aditu batu ziren. Europan arrakasta gehien izan duten telesail, eredu eta proposamenak aurkeztu zituzten bertan, eta horretarako, Elena Puigrefagut Europako Telebista Publikoen Elkarteko teknologia eta berrikuntza arduraduna, Salla Rosa-Leinonen Finlandiako Telebista Publikoan crossmedia eta transmedia estrategian arduraduna, Ingvill Marie Nyborg ekoizle norvegiarra, Anthony Browne BBCko ekoizlea, Ainhoa Fernandez de Arroyabe ikerlaria, Josu Bilbao Euskal Irrati Telebistako fikzio-edukien arduraduna, Jokin Etchevarria Next Station lehiaketaren koordinatzailea eta Luistxo Fernandez JarriON ikus-entzunezko chromecastaren taldeko kidea izan ziren hizlariak.
Adituek jardunaldietan eskaini zituzten hitzaldi guztiak HEMEN ikus daitezke berriro.
