Gipuzkoan gertatzen denaren berri 'Orain Gipuzkoa' atalean
Gipuzkoako Foru Aldundiak lurraldearen eta gipuzkoarren alde egiten duen lanaren berri emango du Orain Gipuzkoa atalean; besteak beste, abian jarritako egitasmoen eta proiektuen, aurkezpen ekitaldien eta ospakizunen, zein agenda kontuen berri.
Ildo horretatik, gardentasunaren aldeko apustua egin du eta informazioa herritarren eskura jarri nahi du. Proiektu, albiste eta ekintza horien guztien berri modu hurbil eta ulerterrazean emango du Orain Gipuzkoa atalaren bidez. Egunero albiste bat argitaratuko da eta horiek bideoekin eta beste hainbat euskarrirekin osatuko dira. Gipuzkoarrek esku-eskura izango dute hemendik aurrera Foru Aldundiaren informazio guztia.
