Euskararen Nazioarteko Egunean ere euskaraz ingurune digitalean
Euskararen nazioarteko eguna bat izan arren, urteko beste egun guztietan ere jarduteko gaia da. Euskarak egunero, nonahi eta gu guztiok behar gaituelako.
Ahalegin handia egin da herritarrak euskalduntzen euskarazko harremanak areagotzeko helburuarekin. Neurri berean beharrezkoa da harreman horiek emateko testuinguru egokiak sortzea.
Azkue Fundazioak, bere arreta ingurune digitalean jartzen duen heinean, esparru horretan euskararen erabilera sustatzeko konpromisoa dauka. Ingurune digitalean hainbat eragile aktibo daude eta Azkue Fundazioak hauen lana balioan jarri, sustatu eta zabaldu nahi du.
Euskarazko gaiak eta tresnak dira gure langaia. Etengabe sortzen diren baliabide digitalak ezagutzeko ahalegina egiten dugu, proiektu berrien sorkuntzan eragiten saiatzen gara eta euskal gizarteari erabilgarri dauden programak, aplikazioak, webguneak,e.a. erakusten dizkiogu, informazio eguneratua eskainiz.
Hauxe da, Azkue Fundaziotik, ingurune digitalari egiten diogun ekarpena!
