Bioterra, EKO esperientzia, ekainaren 2tik 4ra Irunen
Aurten ere Ficoban izango da Bioterraren laugarren edizioa, produktu ekologikoen, bioeraikuntzaren, energia berriztagarrien eta kontsumo arduratsuaren azoka. Ficobako hiru pabilioiak beteko dituzte hainbat autonomia-erkidegotako eta Iparraldeko 170 erakusketari baino gehiagok.
Bioterraren erakusketa hiru erabileremu handitan antolatu da. Bat produktu eta ekimen ekonologikoena da soilik, nekazaritza ekologikoko elikagaiak, kosmetika eta ehunak egoteaz gain, kudeaketa ekologikoko ekimenen berri ere emango da, Bioterra Gunea izango da.
Naturall Gunean osasunarekin eta ongizatearekin zerikusia duten sektoreak egongo dira, inguruarekin ikuspegi arduratsua eta errespetuzkoa dutenak izango dira.
Eskaintza osatzeko, Geobat daukagu, bioeraikuntzaren eta energia berriztagarrien gunea; irtenbide profesionalak izango dituzu eraikuntza osasungarria eta ingurumena errespetatzen duena lantzeko; kontsumoa murriztu eta energia naturalak aprobetxatzen dituzten instalazio energetikoak eta Ekonomia Berdean lana egiten duten profesionalak eta enpresak.
Ikusleentzako hainbat berrikuntza dituen edizioa
Aurtengo proposamenean hitzaldien programa nabarmentzen da, aditu ugari izango baita hiru egunetan; Biobeauty Gunea kosmetika ekologikoaren txokoa da, hitzaldiak eta erakustaldiak izango dira bertan; Sukaldean sukaldaritzako erakusketak egingo dira; antzerki eta askari Eko osasungarriak txikienentzat; terapien erakusketak; Bioterrako erakusketariek beren produktuak eta zerbitzuak aurkezteko gunea; geobiologiako erakusketak edo haurrak sentsibilizatzeko jarduerak. Jarduera horiek guztiak eta gehiago Bioterrako webgunean daude zehaztuta.
Aurten jarduera paraleloen programa bat dugu: Bioterra Yoga Day. Bioterrazan eskainiko den master class bat. Gune gastronomiko hau iaz inauguratu zen kanpoaldean eta aurten handitu egin da, iaz harrera oso ona izan zuelako. Bioterrazan bisitariek sukaldaritzako eskaintza zabala izango dute, Azokara etorriko diren erakusketariei esker.
Eta ikustaldia errazteko eta garraio publikoaren erabilera sustatzeko, EuskoTrenekin akordio bat lortu da Bioterra txartel berezia sortzeko, merkeagoa eta azokarako sarrera doan duena, Lasarte-Hendaia linean.
Asteburu ekologiko bat eduki nahi baduzue, Ficoba-ra hurbildu eta gozatu Bioterra Eko esperientziaz.
Informazio gehigarria behar ezkero: Bioterra
