Azken egunak Banden Lehiako 9.edizioan parte hartzeko!
Adi sortzaile, urriaren 22an, igandean,Banden Lehia musika txapelketan parte hartzeko izena emateko epea bukatzen da eta. Dagoeneko hamaika taldek izena eman dute: Akabu, Astrid, Atila Txiguagua Beldurgarria, Azken Trena, Baneki, Hiri galduak, Huts, Jasan, Kiñubak, On eta Raust!.
Zuk ere euskarazko musika sortzen baduzu animatu eta izena eman Banden Lehian.
Orain arte izena eman duten banden informazioa eta puntuak ikusi nahi badituzu, helbide honetan aurkitu ditzakezu: http://www.bandenlehia.eus/bandak
Aurtengo epaimahaia Ritxi Aizpuruk [musika editorea; Baga Biga diskoetxeko arduraduna], Xabi HOO [Enkore taldeko abeslaria], Maia Muruaga [Euskal Irratiko kazetari eta esataria] eta Aritz Gonzalezek [Last Tour International]osatuko dute.
Publikoaren botoak eta epaimahaikideen botoak kontutan hartuta, urriak 26an, Banden Lehiako edizio honetako lau talde finalisten berri iragarriko du Azkue Fundazioak bere sare sozialen bitartez.
Banden Lehia 9.edizioaren finala, azaroaren 24ean, ostiralean, Bilborocken ospatuko da. Finala publikoarentzat zabalik egongo da eta Itziarren Semeak taldea izango da bertan gonbidatu moduan.
