Kursaal Eszenak 19. denboraldiko programazioa aurkeztu du
Kursaal Eszenak ekitaldiz betetako 19. denboraldiaren berri eman du. Ikuskizunak 2019ko udaberri eta udan izango dira, zehazki otsailaren 22an hasi eta uztailaren 11ra bitarte. Eta programazioa, publiko ezberdinei zuzendutako 12 hitzorduk osatzen dute.
Opera emanaldien artean aipatzekoak dira Mozarten Txirula magikoa eta Usandizagaren Mendi mendiyan emanaldiak. Bestalde, familian, haur eta gurasoek elkarrekin disfrutatzeko ikuskizunak ere izango dira, Isiltasunaren haitzuloa, esaterako.
Euskal musikari dagokionez, berriz, Ruper Ordorika oñatiarrak emanaldia eskainiko du. Eta amaitzeko, musika klasiko, pop/rock eta folk doinuek ere izango dute lekua 19. denboraldi honetan.
Aurten gainera, Eskola Kontzertuak ere izango dira, Kursaal Eszenak, Euskadiko Orkestra Sinfonikoarekin lankidetzan, inguruko eskola-umeak musika klasikora zuzeneko emanaldien bidez gerturatzea helburu duen jarduera hau txertatu baitu bere programazioan.
Jarduera honetarako bereziki pentsatu eta prestatutako hainbat saiori esker, Lehen eta Bigarren Hezkuntzako ikasgela berezi bilakatuko da Kursaal Auditorioa.
Emanaldi guztietako sarrerak www.kursaal.eus webgunean izango dira eskuragarri. Aipatzekoa da gainera, mugikortasun urriko pertsonek, 30 urtetik beherako gazteek eta langabeek eskaintza bereziak izango dituztela.
