Larregi eta Hesian taldeko abeslarien kontzertua Igorren Azaroaren 10ean
Udagoieneko Ostera kultur zirkuituko bigarren emanaldia izango da Lasarte aretoan azaroaren 10ean 21:00etan.
Euskaltzaleen Topaguneak, Bizkaiko Foru Aldundiaren laguntzarekin, sei zuzeneko emanaldi antolatu ditu, urriaren 21etik abenduaren 2ra bitarte, Bizkaiko antzoki banatan gozatzeko.
Udagoieneko Osteraren helburua musikaren eta antzerkiaren bueltan gozaraztea eta Bizkaian euskarazko kultur eskaintza hedatzea da. Euskaltzaleen arteko harremanak artez, sormenez eta gozamenez, gertutik goxatzea.
Aurtengo zirkuituan, puntako musika eta antzerki lanak izango dira protagonista, erreferentzia diren euskal musikarien zuzenekoekin eta istorioak modu originalean kontatzen dituen antzerki berritzaileekin. Dagoeneko disfrutatu ahal izan dugu Anari-ren "Epilogoa"-z eta oraingo ostiralean, Azaroaren 10ean, Larregi taldearen eta “Hesian” taldeko Fran eta Zuriñeren akustikoaz gozatzeko aukera izango dugu.
Larregi taldeak 2008.urtean eman zituen lehen urratsak Lemoan. Ordutik hona, maketa bat eta 2 disko argitaratu dituzte eta dozenaka kontzertu eskaini. Hesian, berriz, 2006ko udan sortutako talde sakandarra da. Ezaugarririk aipagarriena, nahasketa oso erakargarriak sortzen duten bi ahots direla esan genezake.
Sarrerak Interneten, Kutxabanken kutxazainetan eta aretoetan bertan erosi daitezke.
