‘Leonardo Torres Quevedo: airearen konkista’ erakusketa antolatu du Eurekak
Transbordadoreak, baloi gidatuak eta Telekinoa asmatu zituen, besteak beste, Leonardo Torres Quevedok duela mende bat. Asmakizun haiek urrats handia izan ziren airearen konkistan. Eureka! Zientzia Museoak erakusketa antolatu du uztailaren 7tik aurrera.
Leonardo Torres Quevedo asmatzaile kantabriarrak zerikusi handia izan zuen XIX. mendearen amaieran eta XX.aren hasieran zientziak eta teknologiak airea konkistatzeko egindako aurrerapenetan. 1907an Donostiako Ulia mendian martxan jarritako transbordadorea da mugarri haietako bat: pertsonak garraiatzeko munduan erabilitako lehen teleferikoa izan zen. Sona eta arrakasta handiagoa izan zuen, hala ere, 1916an Niagarako ur-jauzietan inauguratutako Spanish Aerocar-ak. Gaur egun oraindik martxan dabil.
Baina ez zen izan transbordadorea Torres Quevedoren asmakizun bakarra. Baloi gidatuen diseinuan aurrerapen handiak egin zituen; eta Telekinoa ere asmatu zuen, historiako urreneko lehen agintea.
Torres Quevedoren ekarpenak hobeto ezagutzera emateko erakusketa zabala antolatu du Eureka! Zientzia Museoak, hiru zatitan banatuta. Uztailaren 7tik abuztuaren 31ra, baloi gidatuen eta Telekinoaren inguruko informazioa emango dute; irailaren 1etik 30era berriz, transbordadoreak izango dira erakusketako gaia.
Baloi gidatuak eta Telekinoa
- Uztailaren 7tik abuztuaren 31ra.
- Eureka! Zientzia Museoko Newton aretoan.
- Sarrera doan.
- Astelehenetik ostiralera, 10:00etatik 20:00etara; asteburu eta jai-egunetan, 11:00etatik 20:00etara.
Transbordadoreak
- Irailaren 1etik 30era.
- Eureka! Zientzia Museoko Montessori aretoan.
- Sarrera doan.
- Astelehenetik ostiralera 10:00etatik 19:00etatik; asteburu eta jai-egunetan 11:00etatik 20:00etara.
