Garrantzitsua da biriken heldutasun maila ezagutzea erditzearen aurretik
Ume bat jaiotzen denean, gauza bat egingo du lehenengo, eta lehenengo aldiz: arnasa hartuko du. Horretarako, haren birikek garatuta egon behar dute. Orain, inbaditzailea ez den test berritzaile baten bidez, haren biriken heldutasun maila neur daiteke, jaio aurretik, arriskuak saihesteko.
Umea haurdunaldiaren 40. astean jaiotzen bada, biriken heldutasuna ziurtatuta dago. Baina ume goiztiarrei dagokienez, arnasketa arazoak izan ditzakete; izan ere, ume asko izaten dira zainketa intentsiboen unitate pediatrikoan arnasketa arazoengatik.
Horregatik, uste badugu ume goiztiar bat jaio daitekeela, gehien kezkatzen gaituen gaia haren biriken heldutasun maila da.
Orain arte, modu bakarra genuen biriken heldutasun maila neurtzeko: amniozentesia, hain zuzen; baina, edozein teknika inbaditzaileren moduan, arriskutsua izan daiteke haurdunaldiarendako, eta amari eragozpenak sortzen dizkio.
Zuatzun, Quantus FLM daukagu. Teknika iraultzailea. Umekiaren biriken ekografiaren analisia egiten da, haurdunaldiaren 35. astetik aurrera, eta zehaztu egiten du, fidagarritasun osoz, umekiaren biriken heldutasun maila.
Quantus FLM teknika egokia da erditze bat induzitu aurretik, ume goiztiar berantiarra izango den zalantzak badaude edo umea 40. astearen aurretik jaiotzen bada, hipertentsioagatik, diabetesagatik, gernu-erretentzioagatik –edemarekin–, kolestasiagatik, aurretik izan den umeki-heriotza esplikaezinagatik edo 39. astearen aurretik hautapenezko zesarea egin behar dela planteatzen duen beste edozein arrazoirengatik.
Quantus FLMrekin jakin dezakegu ea umekiaren birikak behar besteko heldutasunera iritsi diren, ez da inbaditzailea eta minutu gutxian egiten da.
