"Lasaiago nago obulu izoztuak dauzkadala jakinda, ama izan nahi dudanerako”
> Albiste berezia
Gero eta emakumezko gehiagok atzeratzen dute amatasuna obozitoen bitrifikazioaren bidez. Itziar da horietako bat. Euren ugalkortasuna gordetzeko prozesua aurrera eraman duten emakumeen profilarekin bat dator. 35 urtetik gorakoa, ezkongabea eta maila soziokultural handiarekin.
Euren obozitoak bitrifikatu dituzten emakume guztien moduan, Itziarrek aurrerantzean ez du gai horretaz kezkatu beharko.
Abokatua da eta egunaren zatirik handiena lanean ematen du. Gustuko du bidaiatzea, kirola egitea, ilobekin egotea... eta oraindik ez du ama izateko planik. Oraindik ez da iritsi bere momentua. 36 urte ditu eta itxaron egin gura du.
Baina Itziarrek badaki erloju biologikoa ez dela geratzen. Adinarengatik ama izateko arazoak dituzten emakumeak ezagutzen ditu. Horrenbestez, nahiago izan zuen prebenitu, ondoren damutu baino, eta Zuatzu Klinikara jo zuen informazio bila.
Izan ere, orain dela gutxira arte, obuluak izozteko teknikara jotzen zen, batez ere, arrazoi medikoengatik; adibidez, minbizia zela-eta kimioterapia jaso behar zuten pazienteak egiten zuten. Gaur egun, berriz, amatasuna atzeratu gura dutenek ere jotzen dute teknika horretara.
Bizpahiru aste irauten du prozesuak. Lehenik, analitikak egiten dira, eta ondoren, obario-estimulazio tratamendua. Gero, obozitoak ateratzen dira sedazio bitartez. Hamabost bat minutu irauten du ebakuntzak. Azkenik, obozitoak izoztu egiten dira -196 gradura; hala, horien adina geratu egiten da, erabili nahi den momentura iritsi arte.
"Ez dakit etorkizunean ama izatea erabakiko dudan edo ez, baina, baietz erabakitzen badut, nire obuluak zain egongo dira kalitate berarekin", dio Itziarrek.
Zuk ere etorkizunean ama izan nahi baduzu, etorri guregana eta konfiantza osoz informatuko zaitugu.
Gero eta emakumezko gehiagok izozten dituzte euren obozitoak amatasuna atzeratzeko.
Zuatzu klinika
