Zortzi emakumezkotik batek bularreko minbizia izango du bere bizitzan zehar
>Albiste berezia
Titulu kezkagarri bat irakurrita, gaiaz gehiago jakiteko grina pizten zaigu. Bada, hona hemen datu lasaigarri bat: goiz antzematen badira, %90 sendatu egiten dira.
Anak bularreko minbizia izan zuen. 45 urterekin eta bi ume txikirekin, tumore bat antzeman zioten, ohiko azterketa batean. Egun hartan hasi zen haren borroka. Eta gaur, irabazi egin zuela esan dezake, baina ez du etsaia ahaztu.
Izan ere, bularreko minbizia ezin daiteke prebenitu. Elikadura osasuntsua izatea, ariketa fisikoa egitea, alkohol kontsumoa zaintzea eta gehiegizko pisua eta obesitatea ez izatea... horiek guztiek arriskua murriztu dezakete epe luzera, baina ez dute saihesten.
Diagnostiko goiztiarra da hura sendatzeko modurik eraginkorrena. Bularretako minbizia da sintomak izan aurretik antzeman daitekeen minbizi gutxienetako bat.
Ez da emakumezkoen kontua bakarrik
Gizonezkoen %2k dute bularreko minbizia. Oraingoz, oso kasu gutxi daude, baina, emakumezkoen bularreko minbiziarekin gertatzen den moduan, gero eta kasu gehiago agertzen ari dira.
Horregatik, bai emakumezkoek, bai gizonezkoek, adi egon behar dute: tamaina, forma, kolorea, zuloak ote dauden, bular-puntak barrura sartuta ote dauden... horrelakoren bat antzemanez gero, espezialistarengana jo behar dute. Gainera, emakumezkoek aldizka joan behar dute azterketa ginekologikoak egitera.
Zuatzu Klinikan Bularretako Patologia Unitatea daukagu. Profesionalen lantalde prestigiotsu batek, urteetako esperientziarekin, zure zalantza eta kezka guztiak argituko ditu.
Gomendagarria da lehenengo mamografia egitea 35 eta 40 urte artean.
Zuatzu Klinika
