Azpeitian egingo dute hilaren 17an Euskarazko Interneten II. Eguna
Maiatzaren 17a Nazioarteko Internet Eguna da eta iaz moduan egun seinalatu horretan egingo dute Euskarazko Internet Eguna. Iaz Iruñean elkartu ziren euskararen, kulturaren eta Interneten alorreko ordezkari ugari Euskarazko Interneten I. Eguna ospatzeko.
Aurten, PuntuEus Fundazioak eta Azpeitiko Kulturaz Kooperatibak antolatutako dute bigarrena eta Azpeitiko Sanagustin kulturgunean egingo dute ekitaldi nagusia, 19:00etan.
Ekimenak helburua argia du: euskarazko Interneten sustapenean eragitea. Hori horrela, elkarlanean landutako hainbat egitasmoren aurkezpena egingo dute PuntuEus Fundazioak, CodeSyntaxek, Kontseiluak eta Ikastolen Elkarteak. Ordu eta erdiko saioa izango da eta doan da.
Parte hartzeko gonbidapena egin dute antolatzaileek. "Zatoz eta ospa dezagun elkarrekin Euskarazko Interneten Eguna!", adierazi dute. Interesatuek aurrez eman behar dute izena ondorengo lotura honetan.
