Nissan LEAF berria: etorkizuneko ibilgailua, hemen eta orain
Nissanen Mugikortasun Adimentsuaren ikurra da Nissan LEAF berria. Gidariari laguntzeko asmoz, auto elektriko hau autonomia handiagoarekin dator, eta segurtasuneko eta konektibitateko teknologia hobeekin ere bai.
Marco Toro Nissaneko zuzendari nagusiak auto berriaren ezaugarriak nabarmendu ditu aurkezpenean. "Nissan LEAF berria munduko ibilgailu % 100 elektriko aurreratu eta eskuragarriena da, baina ez da hori bakarrik; Nissanen Mugikortasun Adimentsuaren ikurra ere bada. Historiako beste edozein ibilgailu elektriko generalistak baino seguruago, hunkituago eta konektatuago sentiaraziko zaituen kotxea da", azaldu du Torok. Karga bakarrarekin 378 km-ko autonomia hobetua eskaintzen du Nissan LEAF berriak; horri esker, gidariek joan-etorri luzeagoak egin ditzakete. Gainera, soberan duen karga elektrizitate-sarera bidal dezake, sare hori elikatzeko eta egonkortzeko, Nissanen Vehicle to Grid teknologia berritzaileari esker.
Etorkizuneko ibilgailu bat dela esan daiteke, hemen eta gaur, Jasone Rodriguez Gaursa kontzesionarioko kudeatzaileak esan bezala. "Zuzenean etorkizunarekin konektatzen gaituen ibilgailua da, teknologia hutsa baino harago doazen eta dagoeneko mugikortasunaren kontzeptuaren elementu eraldatzaile gisa jarduten duten soluzioak dakartza". Esaterako, ProPILOT eta Epedal sistemei esker, gidariaren estresa murriztuko da.
Eta, zelan ez, hori guztia, kanpoaldetik zein barrualdetik itxura estetiko dotorea edukita.
