OpenStreetMap euskaraz!
Egunero doan erabiltzen diren mapa asko ez dira libreak, muga legal edo teknikoak dituzte, jendeak datu hauek modu sortzaile zein produktiboan erabiltzea ekidinez. Horri aurre egiteko, OpenStreetMap, 5.000.000 erabiltzaile inguru dituen proiektu ireki, sozial eta erraldoia sortu zen. OpenStreetMapek datu geografiko libreak sortu eta aurkezten ditu, nahi dituen edonorren esku jarriz.
Azkue Fundazioa, Euskal Wikilarien Kultura Elkartearekin elkarlanean, software-a euskaratzen bukatzeaz arduratu da. Proiektua herritarren ekarpen librearen bitartez doa aurrera, eta orain ekarpen horiek egiteko sistema euskaraz egongo da osorik, baita berarekin sortzen diren beste aplikazio batzuk ere.
Bertako mapak GPS gailu mugikor, orto-argazki eta bestelako doako iturrietatik ateratako informazio geografikoa erabiliz sortu dira, zein jendearen mapeatze ekimen handien bidez. Kartografia hau Open Data Commons Open Database License (ODbL) lizentzia irekiaren bitartez babestuta dago.
Lankidetza bultzau eta doakoa izango den proiektu berezi bat lortzeko asmotan sortu zen OSM, eta helburu horiekin jarraitzen du lanean. Bertan boluntarioek sortzen dituzten mapak oso erabiliak dira beste milaka zerbitzuetan, baita Wikipediaren barruan sortutako mapa interaktiboetan ere. Mapak euskaraz izateak aukera ederrak irekitzen dizkigu euskal hiztunontzat.
OMS-ko parte hartzaileek inguruari buruzko ezagutza komunitatearekin partekatzen dute, bertan bizi direnei zein bisitan etorriko direnei informazioa eskainiz.
OpenStreetMap mugimenduaren parte izan nahi duzu? Jarraian agertzen den link-a jarraitu eta has zaitez ekarpenak egiten:
