Puntueus Fundazioa eta UPV/EHU Interneten euskararen erabilera bultzatzen
PuntuEUS Fundazioak eta Euskal Herriko Unibertsitateak lankidetza hitzarmen bat sinatu dute, Interneten euskararen erabilera bultzatzeko ‘.EUS' domeinuaren erabilera sustatuz UPV/EHUko ikasleen, langileen eta baita EHUalumni-ko kideen artean (UPV/EHUko ikasle ohiak). Bultzada hau emateko, baldintza abantailatsuak izango dituzte beren proiektu eta jardueretarako ".EUS" domeinu bat eskuratzen dutenek. UPV/EHUko errektore Nekane Balluerkak eta PuntuEUS Fundazioko zuzendari nagusi Josu Waliñok sinatu dute hitzarmena.
Ikasleen kasuan, ‘.EUS' domeinua dohainik erabili ahal izango dute UPV/EHUko ikasle diren bitartean. Domeinu horren helburua librea da, hau da, ikasketa-proiektuetarako, beraien blog pertsonaletarako edo aisiarako irekitzen dituzten web orrietan erabili ahal izango dute.
Bestalde, UPV/EHUko langileek eta EHUAlumni-ko kideek %25eko deskontuarekin erregistratu ahal izango dituzte ‘.EUS' domeinuak
Informazioa gehiago hementxe.
