Web teknologiak erabilita sortzaile izateko aukera Azkue Fundazioari esker
Azkue Fundazioak, Talaios Kooperatibarekin elkarlanean, teknologiarekin lotutako ikastaro sorta antolatu du eta hilabete honetan, urrian, izango da horien artetik bigarrena, Izan sortzaile: web teknologiak ikasten izenburupean.
Izan ere, web teknologiak konturatu ere egin gabe erabiltzen ditugu egunerokoan, baina ez ditugu benetan ezagutzen. Horregatik, horiek ezagutzen hasteko, sei esperimentuko bide-orri txiki bat definituko dute ikastaro honetan, gustuko dutenak ezagutza horiekin saltsatzen hasteko.
- Parte-hartzaileek egunkari digital baten tripak ezagutu eta portada propioa idatziko dute
- Maite dituzten hiru gauzari buruzko web sinple bat egin
- Web meme bat, web komiki bat eta web postal interaktibo bat
- Sakelako telefonoetarako edukia eta istorioak sortu
Eta lan horietarako, Mozilla Fundazioaren X- Ray Goggles, Thimble eta Webmaker tresna errazak erabiliko dituzte.
Ikastaroa urriaren 26ko eta 27ko aste bukaeran izango da: ostiralean, goizez eta arratsaldez, eta zapatuan goizez.
Informazio gehiagorako edo izena emateko: azkuefundazioa.eus
Ez ahaztu edonorentzat aproposak diren doako ikastaroak direla eta animatu teknologiaren ur handitan sartzera!
